 |
| قصص رعب |
صوت فالحمام مش عارف ده صوت تعابين ولا صوت اي بالظبط..الصوت بدأ يعلي وصوت التعابين بتزيد وجسمي بدأ; يسخن جامد وحرارة منبعثه من الحمام والصوت اختفي فجأة .......
-اسمي محمد عندي 21 سنه في تانيه حقوق جامعه حلوان ليا اخ كبير عنده 27سنه اسمه احمد هو مهندس اتصالات بيروح العاصمه الإدارية وبيبات كتير.
-تبدأ حكايتي انى زيى زى ناس كتير بتحب الضلمه جدا وببقي ماسك الموبايل وحاطط الهاند فري ومليش دعوة ب اي حاجه تاني
احمد بظروف شغله انه بيبات برة كتير وقافل علي نفسه اوضته علي طول ومبيتكلمش مع حد
بس جت فترة عليه احمد بيقعد فالحمام كتير بشكل ملحوظ..البدايه محدش ركز معاه بس الموضوع بقي مولفت جدا...
انا اوضتي تعتبر قصاد الحمام فببقي عارف مين داخل ومين خارج
فبقيت الاحظ ان كل يوم الساعه 2.30احمد بيدخل الحمام ويخرج 3 مرة ورا مرة ورا مرة بقيت اشك اشمعنا الوقت ده طب ليه بيقعد كل ده و ايه الاصوات الغريبه دي...
محطتش فبالي عادى بعد مخرج احمد من الحمام قومت اشرب من التلاجه وهو عدي من جامبي وراح ناحيه اوضته منغير ميتكلم فبعدى من جمب الحمام سمعت صوت زي ميكون همس بس همس عالي واكنه موجه ليا انا بيقول;الدور عليك .جهز نفسك
-اترعبت واتخضيت دخلت الحمام بسرعه اشوف في ايه ومين دول لقيت دم في الحمام بس دم غريب احمر بس الي هو قالب علي اسود ده ومغرق الارض خالص وانا واقف مذهول ومش عارف اعمل اي ..روحت جاري علي اخويا ملقتهوش فالاوضه .....اتصدمت ا ا اي ده ازاي انا شايفه وهو رايح ناحيه الاوضه ازاي مش موجود دورت عليه فكل حتة فالشقه ملقتهوش جريت علي بابا صحيته قلتله أ أ الحق فيه دم فالحمام واحمد مش موجود فالشقه قام جري وامي وراه دخلنا الحمام وخرجوا ومش فاهم خرجوا ليه وراحوا اوضة احمد; وانا وراهم اييييييده احمد نايم عادي جدا والي يشوفه يقول انه نايم من بدري ابويا وامي بصولي بزعل قلتلهم ازاي والله مكنش موجود حتي الدم الي فالحمام اهو موجود قالوا مفيش اي نقطة دم فالحمام استغربت جدا روحت الحمام لوحدي وسبتهم بيتطمنوا علي احمد سمعت نفس الصوت ونفس الكلام;الدور عليك جهز نفسك;....
صرخت جامد وجم قالوا فيه ايه قلتلهم اهو الدم اهو سامعين الصوت بيقولي اي ...اتصدمت جدا اما قالوا دم ايه يمحمد مفيش حاجه والارض ناشفه ومفيش صوت!!!!
ايه ازاي الدم اهو قدام عنيا امي خدتني فحضنها و قرأت قرآن ومشيت بيا لحد السرير وغطتني وانا اصلا اما بسمع القرآن جسمي بيرتخي جامد وبنام ;الدوووور عليك جهز نفسكك
اتنفضت الصوت عامل زي الرعد عالي جدا وطخين اي ده اي الضلمه دي امي كانت سايبه النور عشان مخفش انام
وايه الجنزير الي ملفزف بيه ده ده مليان نفس الدم الي فالحمام الصوت عمال يتكرر كتير جدا ....الله اكبر الله اكبر ..صوت اذان الفجر وصوت الناس دي بدأ يختفي صحيت ببص حواليا ملقتش جنزير ولا دم قلبي بيدق جامد جدا مش عارف اهدي مخضوض وببص ع الحمام لقيت اخويا واقف ومديني ضهره جريت عليه عشان افهم فيه ايه بلفه ليا اااااأااااأااااااه احمد عينه كلها دم اسود وشه احمر اتخضيت لقيته بيقولى ;الدددور عليك.جهز نفسك
(محستش بنفسي غير وامي بتصحيني وبتقولي قوم هتتأخر علي الجامعه ...جامعه جامعة اي واحمد فين يماما
لقيت احمد بيلبس الكوتش ونازل الشغل سلم عليا عادي جدا ولا اكن فيه حاجه حصلت .
دخلت الحمام وانا مرعوب ملقتش اي دم وملقتش اي صوت استغربت يمكن كل ده كان كابوس!!!
لبست ونزلت الجامعه وانا طول الطريق سرحان مش حاسس ولا سامع اي حاجه عمال افتكر الي حصل .
حضرت اول محاضرة. و فالبريك دخلت حمام الجامعه كان فاضي وعادي مش حاطط فدماغي حاجه لقيت زي ميكون حروف بتكتب ع المراية بدم اسود
اييه ده دي نفس الكلام هو ايوا هو(الدور عليك..جهز نفسك)
اييييييييي اااااه الي الي فالمرايا ورايا ده
ده عفريت ده اي
ده د دا انا ازااااي ببص ورايا مفيش حاجه ابص تاني فالمرايا شخص ملامحه بتقول ان انا بس عينه دم اسود وبقه نازل منه دم اسود وشكله مرعب جدا; و ف ايده كتاب كتاب ايه ده بس لونه مش غريب عليا
صوت دخل الحمام
محمد ؛محمد؛انت يبني; ايه سرحت ف ايه وواقف ليه كده
فوقت من الي كنت فيه ع صوت صاحبي وغسلت وشي وخرجنا وانا مبلم واعصابي سايبه.دخلنا المحاضرة التانيه
وانا قاعد سرحان الموبيل وقع من ايدي
مديت ايدي اجيبه
اده اي العلامه الي ع دراعي دي وجت امتي
العلامه(عبارة عن دايرة فحجم الجنيه ومكتوب حروف غريبه ومتشبكه فبعضها)
حاولت امسحها مش عارف صاحبي بيقولي بتعمل اي بقوله بمسح العلامه دي
بيقولي علامة اي مفيش حاجه علي دراعك
ايه..بصتله كده باستغراب
ازاي ازاي العلامه اهي ..بيحلف ان مفيش حاجه.انا لميت الموضوع اني كنت بهزر عشان محدش يقول عليا اني اتجننت
روحت ونمت وانا نايم مفيش غير حلم واحد بس
اني ماشي فضلمه ومش بسمع غير (الدور عليك.جهز نفسك)
صحيت من النوم مفزوع وبدات افتكر كل الي حصل وبدات اعيط من كتر تعب الاعصاب ده
ايه الي بيحصلي ده ليه ليه انا ايه الي بيحصلي ده تعبت من كتر التفكير واعصابي ثابت ونمت او زي ميكون حد اداني منوم عن قصد
صحيت تاني كنت عايز اعمل حمام كنا تقريبا الساعه 10.30بليل دخلت الحمام و اتزحلقت وقعت ع دماغي
شبه مغمي عليا بقيت نفسي شايف احمد
اده ازاي و ايه الي جابني عند شغل احمد. احمد واقف مديني ضهره وبصلي فجأة
هو هو نفس الشخص بتاع امبارح الي كان فالبيت
احمد نازل من عينه دم وصوته طخين اوي وزي الرعد وبيقولي (الدور.عليك جهز نفسك)
فوقت منفوض ببص حواليا الارض مليانه دم اسود و نقط حمراء حواليا
سمعت صوت التعابين تاني
صوت همس صوت
هو ده الضحيه الجديده
والعلامه الي فدراعي احمرت جامد وبدأت احس انها بتقطع دراعي
فضلت ازعق واصرخ الباب اتكسر عليا ابويا بيقولي يبني فيه اي وخرجني هو وامي ونيموني ع سريرهم وانا مبرق للسقف وباخد نفسي بصعوبه وقلبي بيدق جامد
ابويا بيقولي اي يبني الي حصل وايه العلامه دي
ايه ايه انت شايفها لقيته بيقولي اه شايفها اي العلامه دي
ومال دراعك سخن ليه وجسمك كله بارد
حكتلهم كل حاجه من امبارح والي حصل فالجامعه والي حصل دلوقتي
ردوا عليا وقالوا وياريتهم مقالوا
احمد اخوك نايم جوا من بدري يمحمد من المغرب وهو نايم
والي صدمني والي رعبني بجد
اما امي قالت
صاحبك ازاي
(هو مش مازن صاحبك ده متوفي من سنه)!!!!!
انا:متوفي!متوفي ازاي انتوا بتقولوا اي لا محصلش ده كان معايا الصبح
ماما:يحبيبي اتوفي والله انت مالك بس فيه اي؟
بابا:يبني اتوفي والبيت اتحرق بيهم وانا وانت روحنا في الدفني وبأامارة اما انت قلت عايز تنزل لوحدك التربه مع صحبك
ماما:خلاص سيبه يحج .نام يحبيبي انت استريح
انا:نمت او عامل نفسي نايم او مش عارف انام ازاي ازاي كل ده يحصل وانا مش فاكر ازاي وانا شوفته طب ايه حكاية الكتاب ده و ايه حكاية اخويا واشمعنا اخويا ......... الأجنته ايوة الأجنته قومت اتنفضت ابويا وامي اتخضوا
بابا,فيه ايه رايح فين خد
انا,مفيش محدش يدخل عليا وقفلت الباب بالمفتاح
بابا,خلاص سيبيه هو كده هيفتح الأجنته بتاعته انا دخلت وطلعت الصندوق بتاعي الي شايل فيه اي زكريات ادددده الصندوق نضيف نضيف جدا لدرجة اني حسيته بيلمع ازاي ده عدة عليه سنه ازاي يفضل كده وايه اللمعان ده كسرت القفل عشان ملقتش المفتاح واول مفتحت لقيت ساعات وخاتم وشوية عملات قديمة ولقيت الاجنته وكان تحتيها حاجه كده متغلفه وانا مش فاهم اي ده بس محطتش فدماغي قلت لازم اقرا وافهم اي حكاية موت مازن ده فتحتها وفضلت اقلب فالصفح المتنيه انا من عادتي اما اجي اكتب موضوع جديد اطبق الصفحه الي قصاده وعنوان الموضوع فضلت اقلب اقلب اقلب لقيت....
لقيت وانا مصدوم (قتل مازن) ايه يعني هما عندهم حق طب ازاي بس الي شدني اكتر واستغربت منه انهم قالوا مازن مات مش اتقتل طب ايه الحكاية بدأت اقرا وانا مصدوم وده كان الي مكتوب شبراخيت قتل ماذن شبراخيت! مين شبراخيت؟ !!
ياريت الي هيقرا المذكرة دي يكون مبيخفش وميكنش اقل من 22سنه.. معرفش هكون عايش ولا لا بس الي هيقراها اما هكون اتقتلت او هكون اتجننت الي حصل ان مازن كان مجنون بقصص الجن والعفاريت وانا مكنتش بؤمن بيها وكان دايما بيدور عليهم
مازن,محمد.محمد
مازن.سيبك من الشاى ده والقهوة بحالها الحق لقيت اي
انا,وريني! لقيت علي موبيله كان فاتح فيس واحد منزل بوست فجروب الخوزعبلات بتاعته دي انه معاه كتاب ملعون وعايز يبيعه
انا,يعم فكك بقي من الحوارات دي
مازن,لا انا هشتريه
انا هتشتريه منين ده عايز فيه 5000جنيه هتجيبهم منين مازن قالي هتصرف وقام مشي وبعديها بكام يوم لقيته بيتصل بيا وبرد عليه
انا,الو اي يبني مختفي بقالك كام يوم ليه
مازن,الحقني يمحمد الحقني تعلالي البيت بسرعه
انا,الو.الو الو قفلت ورحتله مخدتش عشر دقايق عشان ساكن فنفس منطقتي روحت وطلعت خبط كتير محدش بيفتح لسه هكسر الباب فتحلي هو وكان وشه اصفر وشعره واقف وبيترعش بقله فيه اي يبني مازن,.......
انا,يبني فيه ايه جبت مية بسكر بسرعه وشربته مازن بدا يفوق ويقولي انا انا اشريت الكتاب يمحمد وقريته
انا,وبعدين
مازن,انا قابلت الراجل وقالي اول م شافني ايده لا مش هبعهولك انت بتهزر يبني مازن.ليه بس فيه ايه يحج
الراجل:انت لازم تكون عديت ال22سنه والا هتتلبس او هتتقتل انت وعيلتك او هتتجنن مازن بعد محاولات اقناع خد الكتاب والراجل حذره ومن الي هيحصل فيه علي لسان مازن انا خدت الكتاب يمحمد واول مشيلته ومشيت بيه كنت حاسس اني فرحان جدا لحد مروحت والكتاب مكنش عايز يفتح بس افتكرت كلمة الراجل ان لازم عشان الكتاب يتفتح ادخل الحمام بيه واقول الكلام ده (احضر يا شبراخيت احضر يا شبراخيت احضر يا شبراخيت)
انا:مازن مازن اي يبني مالك
مازن: .اي يمحمد انت جيت امتي
انا:اي يبني مالك انت الي اتصلت بيا وقلتلي تعال الحقنيمازن:لا محصلش وبعد اذنك امشيانا:اتدايقت اوي وقومت ماشي وخلاص فتحت الباب ولسه هخرجمازن:محمد
انا,بصتله منغير متكلم ولقيته بيبرقلي اوي وبيقولي(الدور علييييك.جهز نفسك)
اتصدمت ده الي بسمعها دلوفتي
مفهمتش مازن يقصد ايه ولقيته قام وراح ناحية الحمام
وانا نزلت وروحت ومحطتش فدماغي لأني زعلت من الي قالهولي بس فنفس الوقت قلقت عليه
بعديها ب 6ايام مازن بيته اتحرق هو وعيلته ومحدش عرف السبب
بس انا انا كنت عارف الي حصل مازن اتقتل..
وعدت الايام ومفيش اي اخبار عن الكتاب خالص
لحد مافيوم احمد اخويا جبلي كتاب بيقولي خد الكتاب ده لقيته فالشغل
خدته منه وكان شكله غريب وعليه علامة مفهمتهاش
حاولت افتح الكتاب مرضاش يفتح
سبته وبليل نمت عادي بس....
حلمت بمازن ايوة هو مازن نفس الشكل االي كان عليه اخر مرة فبيته وبيقولي
الحماام يمحمد الحمام
ااااااه اتفزعت من النوم
وفضلت ادور علي الكتاب الدنيا ضلمة بفتح الموبايل عشان اشغل الكشاف وكانت...
خدت بالي ان الساعه 2.30
-ايييييييه ده نفس الوقت فكل حاجه والي قال عليه مازن و الي احمد بيعمله وشغلت الكشاف لقيته عند الحمام بالظبط قدام الباب
ايه ازاي اي الي وداه هناك روحت شيلته وانا ايدي بتترعش والددنيا ضلمه ومشغل نور الكشاف بالظبط شيلت الكتاب ولقيت العلامه دي عليه لقتها بتنور احمر دم والكتاب زي ميكون بيشدني ادخل بيه الحمام
ودخلت والباب اترزع جامد الكتاب وقع من ايدي من الخضه حاولت افحه مش عارف والكشاف انطفي لوحده والدنيا ضلمه مفيش نور خالص غير العلامة دي ولقيت العلامه زي ميكون نورها بدات يتشكل فالحمام وصوت همس وصوت تعابين
هي هي الجمله الي مازن قالها(احضر يا شبراخيت احضر يا شبراخيت احضر يا شبراخيت)
بقيت بترعب وفضلت اصرخ وازعق وارزع فالباب لقيت ايدي بتخبط ع كتفي وبتمسكني تشدني من ايدي ومحستش بنفسي غير وامي بتصحيني تقولي روح الجامعه يلا!!!!
ايه ايه ازاي ماما الحقيني يماما
ماما:ايه يحبيبي مالك اعوذبالله من الشيطان الرجيم مالك يحبيبي فيه ايه
انا حكتلها كل الي حصل قالتلي لا يحبيبي ده كابوس و اخوك احمد بايت فالشغل بقاله يومين اصلا
ايه,ازاي ازاي يماما حتي الكتاب الي جابه
قومت ادور عليه ملقتهوش خالص
ومن وقتها الكتاب مظهرش وانا مشوفتش اي حاجه حصلت تاني ونسيت الموضوع
.......
فوقت من الحاله الي كنت فيها علي خبط امي بتقولي يبني مالك فيه ايه افتح يلا اطلع
قفلت الأجنته وانا بشيلها فالصندوق لقيت العلبه المتغطيه بالتراب شيلت الصندوق تحت المكتب وطلعت بره
فضلت طول اليوم بحاول افتكر الي حصل والكتاب راح فين معرفتش افسر اي حاجه وتعبت اعصابي تعبت
نمت وانا مش عارف ايه الحل من الي انا فيه ده
نمت واتفزعت علي نفس الصوت الي بسمعه
(الصندوووووق,,الصندووووق)
مركزتش فالصوت الي خلاني اتنفض ولا مين ده
بس قومت اجيب الصندوق وانا بدعي يارب الي فبالي ميطلعش صح
طلعت العلبه ونفضتها
هو هو الكتاب ووهي العلامه الي في ايدي
بس ازاااي جه هنا
المذكرة بتقول انه اختفي
ازاي جه هنا
و ازاي انا مش فاكر موت مازن ولا اي حاجه من الي حصلت
لسه بفكر قطع تفكيري النور الي انطفي والباب الي اترزع
جريت عليه حاولت افتحه معرفتش ببص ورايا الكتاب العلامه نورت جامد ونورها طلع فالاوضه
والعلامه الي في ايدي نورت وسخنت جامد ومش عارف اعمل اي
دخان ظهر علي الحيطة واتشكل علي......
هو هو الي ماذن قال عليه
راجل بقرنين وضخم
(واخيراااا جه دورك)
من الرعب ورعد صوته وقوته اترميت علي الارض اعصابي سابت وساند علي باب الاوضه
بدات ازعق واصرخ واعيط
الحقووووووني الحقووووووني اعاااااا
بقيت اخد نفسي بصعوبه والكائن ده داخل عليا
بدات اصرخ بحرقه وبعيط
يااااااااااارب الحقوووني
وانا بزنق نفسي علي باب الاوضه وبصرخ وقرب مني ااوي و(الله اكبر الله اكبر)اذان الفجر
الكائن ده اختفي فجاة زي ميكون دخل جوا الكتابوالنور جه
مقدرتش اقوم ولا امسك نفسيبس وقعت علي الار تقريبا نص او ربع ساعه عقبال مجمعت اعصابي
قومت وانا مش مصدق الي بيحصلي دي
يارب انا ليه بيحصل فيا كده ليه يماززن ليه
انا حذرتك منك لله يا اخي منك لله
شيلت الكتاب وخبيته وقومت ونمت
او كنت بحاول انام مش عارف من التفكير والخوف
محستش بنفسي غير وامي بتصحيني بتقولي يلا قوم بقينا الضهر
روحت لشيخ جمبنا هنا وحكتله كل الي حصل قالي هاتلي الكتاب
وجبتهوله
وخادني معاه فشقته ومكنش فيه حد وقفل الشبابيك وفتح النور
وحط الكتاب علي مصليه وبدأ يقرا قرءان وكلام كتير مكنتش سامعه
فجاة الكتاب طلع الدخان تاني وسمعنا صوت زي ميكون زعيق او نباح حد بيصرخ
النور انطفي
وجد ضربنا ووقعنا لورا وظهر
هو هو القرنين المولعين نار
العيون الي مليانه دم اسود
الجسم الضخم
الصوت رعد
هو هو شبرااااخيت
العلامه زادت جامد ف ايدي زي ميكون بتولع في ايدي
سامع الشيخ بيقرا قرءان و بيقرا سورة ياسين واية الكرسي
شبراخيت كل مالشيخ يقول حرف صوته يشد اكتر ويصرخ اكتر اوي
وخلاص صوته حسيت انه بيخترق قلبي من الرعب
(الدوووووووووووووووووووووور عليييييييييك جهز نفسك)
اخر كلمة قالها واختفي شبراخيت والنور رجع والشيخ لقيته منزل دم كتير من مناخيره
هدينا وبدأنا نتكلم
الشيخ ده ملك من ملوك الجن الخمسه
وصاحبك استغل الكتاب غلط وكمان عشان يأذيك ودخل معاك عيلتك واخوك
و اي حد قريب منك يتاذذي معاك
انا طب ليه وازاي
الشيخ ازاي الي هو الي انت فيه دلوقتي
ليه محدش هيعرفها غيرك انت ولوحدك وتقرا الكتاب وتفهم
انا اقراه ازاي ده مش بي..لسه بكمل كلامي وانا ببصص علي الكتاب لقيت القفل الي عليه مفتوح
انا خايف مش هقدر اقراه لوحدي
الشيخ لا لازم لوحدك لو مش لوحدك هنتحرق انا وانت
خدت الكتاب ومشيت وانا مرعوب و في بالي ميت سؤال ليه مازن يعمل كده وانا ايه دخلي فكل ده طب ليه احمد بالذات
روحت ودخلت اوضتي وقررت خلاص افهم كل حاجه
قفلت علي نفسي
والكتاب علي حجري
افتكرت كلام الشيخ
قومت اتوضيت وصليت ركعتين وسميت الله وقريت الفاتحه وشيلت القفل وفتحت الكتاب
الي اول مفتحته الكتاب اتقفل بس بتزييقه زي افلام زمان
اتقفل وانا بدأت اقرا
بس مفهمتش اي حاجه زي ميكون مقدمه للكتاب
وان الكتاب ده بتاع ملك من ملوك الجن
دخلت فالصفحة وزي ميكون رمشت بعيني وفتحتها لقيت نفسي في
في
ايوا انا انا فالنار
انا فصحراء كلها حمراء ارض زي البركان و قدامي
ااااااه هو هو شبراخيت
بس ضخم جدا
جدا اوي بينه وبيني حوالي 50 متر
بس بس ده حواليه شياطين صغيرين
و و مازن اهو مازن متعلق من لسانه ونازل منه دم اسود
شبراخيت لف ليا وبدأ يتكلم بصوته
شبراخيت اهلا بك يا من جنس بني ادم
نحن خلقنا لتعذيبكم وانتم تخضعوا لنا
من رفض ابليس الخضوع لبني ادم
بدا الرعب يزداد فقلبي من صوته و من قرب الشاطين ليا
ومشعارف اعمل ايه
افتكرت المصحف الي الشيخ الي ادهوني
طلعته وقريت من اية الكرسي الشياطين خافو ورجعوا لورا
شبراخيت جاي
شبراخيت متقدم عليا جامد بدات اقرا بصوت عالي بدا يرجع
صوووووووووووووووووووووويت عالي منه
وانا بددات اتجرا من اية الكرسي واتشجع عليت صوتي اكتر واكتر
لحد متحرق شبرااااااااااااخيت
فوقت لقيت جسمي متشنج واعصابي سايبه
مش عارف اخد نفسي دقات قلبي سريعه
خدت الكتاب وروحت للشيخ
مازن اشتري الكتاب
وكان شرط البيع من الشيخ مش انه يكون فوق 21سنه لا الشرط هو ان يقله اسم الشخص الي يعرف انه هيشتري الكتاب
ومازن قاله والراجل قرا كلام علي الكتاب واسمي واسم اخويا
هنا عرفت ليه مازن اذاني
طب ليه
ليه اخويا.....اه
قرر شبراخيت يتجسد فجسد اخويا عشان يقدر يظهر ويعرفني ان عليا الدور
طب ليه انا نسيت الموضوع ده وموت مازن والكتاب جه ازاي
الشيخ ده من تاثير العلامة الي طبعها علي ايدي شبراخيت اما تجسد في جسد ماززن ومظهرتش غير اما كنت فحمام الجامعه
انا طب الكتاب وصل الصندوق ازاي
الشيخ شبراخيت اتجسد فجسد احمد وجاب الكتاب من الحريقه وسابه فالصندوق
انا طب هو كده اختفي خلاص رجعت لطبيعتي
الشيخ لا..لان كل من عرف حكاية الكتاب هيحصله نفس الي حصلك.... للكاتب/محمد حسن
للمزيد من القصص الأخري
.....
قصص رعب قصيرة
قصص رعب 2020
قصص رعب مخيفه
قصص رعب pdf
قصص رعب مكتوبة
قصص رعب يونس
قصص رعب يوتيوب
قصص رعب يونس مكتوبه
قصص رعب ياسا
قصص رعب يونس mp3
قصص رعب ياسمين
قصص رعب يوم السبت الاسود
قصص رعب ياسمين تيكت
قصص رعب يوسف احمد
قصص رعب ياسين
قصص رعب ي
قصص رعب واقعية
قصص رعب واتباد
قصص رعب واقعية مكتوبة
قصص رعب ويكيبيديا
قصص رعب وغموض
قصص رعب وحب
قصص رعب واقعية قصيرة
قصص رعب و رومانسية
قصص رعب واقعية وغامضة
روايات و قصص رعب
كتب وقصص رعب
حكايات وقصص رعب
تحميل روايات وقصص رعب
قصص رعب هندي
قصص رعب هندية
قصص رعب هبه مجدي
قصص رعب هندي زي الوان
قصص رعب هندى على زى الوان
قصص رعب هنديه على زي الوان
قصص رعب هندية مدبلجة
قصص رعب هيتشكوك
قصص رعب هالوين
قصص رعب هل تعلم
قصص رعب نادر فودة
قصص رعب نادر فوده مكتوبه
قصص رعب نباش القبور
قصص رعب نهايتها مضحكة
قصص رعب نادر فوده بالترتيب
قصص رعب نور ستارز
قصص رعب نزع المستقبل
قصص رعب نصيه
قصص رعب نهايتها مقلب
قصص رعب نفسي
قصص رعب مكتوبة قصيرة
قصص رعب محمد حسام
قصص رعب محمد عصمت
قصص رعب مكتوبة طويلة
قصص رعب مكتوبة احمد يونس
إرسال تعليق